Kilalanin si Domi!🥁🎵

Si Domi, labimpitong taong gulang mula sa San Mateo, Rizal. Isang dalubhasa sa pagtugtog ng percussion at isang performing artist. Nagsimula ang kanyang hilig sa musika noong siya ay nasa ika-pitong baitang, at lalo pang lumalim nang tumuntong siya sa ika-siyam na baitang. Aktibo si Domi sa mga kaganapang pansining sa kanyang paaralan, kung saan ipinapakita niya ang kanyang pagmamahal sa sining sa pamamagitan ng musika at pagsusulat ng tula. Bukod dito, ipinagmamalaki rin niya ang kanyang natatanging academic performance bilang isang honor student mula elementarya hanggang senior high school.

Sa kasalukuyan, si Domi ay isang Grade 12 Arts & Design Track student na may kahusayan sa larangan ng musika. Siya ay nakatalaga bilang Musical Director at Performer sa darating na "Durungawan: Mga Sining sa Likod ng Pangarap 2025," ang pangwakas na gawain at pagtatanghal ng mga mag-aaral ng Arts & Design Track. Habang tinatahak niya ang daan patungo sa tagumpay bilang isang student-artist, ang kanyang hilig sa pagsusulat, musika, at malalim na pag-unawa sa sining ay nagsisilbing daluyan ng kanyang malayang kaisipan. Sa pamamagitan ng mga istorya at iba't ibang porma ng sining, malaya niyang naipapahayag at nabibigyan ng boses ang kanyang malawak na imahinasyon.

MORE OF DOMI

Support Domi!