Kilalanin si Clide!🩰

​

Si Clide, labimpitong taong gulang mula sa  Sto. Nino, Marikina City. Siya ay dalubhasa sa pag-indak ng iba't ibang uri ng sayaw, at isang mangguguhit. Bata pa lamang ay nakikitaan na si Clide ng potensyal sa pagsayaw at pagguhit dahil siya ay napalilibutan ng kanyang masisining na pamilya. Nagsimula ang kanyang pagpapakitang gilas sa entablado noong siya ay apat na taong gulang pa lamang. Ang SFCLKM inc. ang siyang nagpahubog sa talentong taglay ni Clide sa iba't ibang uri ng sayaw tulad ng Folk dance, Modern Jazz, Contemporary dance, Hip-Hop at iba pa. Ang talentong ito ang nagdala sa kanya sa iba't ibang national stage at corporate shows tulad ng Cultural Center of the Philippine at Malacañang Palace. Maging sa mga national shows, international shows at paligsahan tungkol sa pagsayaw tulad ng Sayaw Pinoy at WCOPA. Simula noong bata pa lamang si Clide, sumasali siya sa mga paligsahan sa kanilang paaralan at nakatatanggap ng mga parangal. Hindi lamang sa pagsayaw at pagguhit kilala si Clide kundi pati na rin sa pagtugtog ng traditional instruments🎹, pag-awit🎵, pagpipinta🎨, pag-arte🎭, at maging sa media arts at sound engineering. Naniniwala siya na ang tao ay nabubuhay para matuto at hindi tumigil sa limitadong kaalaman, kaya't siya ay sabik na sabik sa pagkatuto ng anumang uri ng sining. "Lahat ay kayang matutunan, basta maniwala at maging matiyaga sa sarili" — Clide.

 

Si Clide ay kasalakuyang isang Grade 12 Arts & Design Track student na may husay sa larangan ng pagsayaw at nakatalaga bilang DANCE DIRECTOR at PERFORMER sa darating na "DURUNGAWAN: Mga Sining sa Likod ng Pangarap 2025” 🌟🌙, ang pangwakas na gawain at pagtatanghal ng Grade 12 Arts & Design Track.

 

Sa patuloy na pag-unlad ni Clide sa iba't ibang anyo ng sining, mahalaga ang  pagbibigay niya ng sapat na oras para sa kanyang pagkatuto. Sa tulong ng dedikasyon at inspirasyon mula sa mga taong nakapaligid sa kanya, unti-unting mabubuo ang kanyang kakayahan bilang isang mahusay na batang artista ng bayan.