Kilalanin si Harlle! 🎧🖊️

 

Si Harlle, labimpitong taong gulang mula sa San Mateo, Rizal, isang mag-aaral ng Sining at Disenyo na may kahusayan sa sining biswal. Siya ay dalubhasa sa tradisyonal at digital na sining; patuloy niyang tinatahak ang mundo ng sining at nag-aaral ng iba pang anyo nito. Nagsimula ang kaniyang hilig sa sining noong siya ay labintatlong taong gulang pa lamang. Ang kaniyang interes ay umusbong noong siya ay nasa ika-tatlong baitang, ngunit hindi ito tinuloy at nahinto nang siya ay tumungtong sa ika-limang baitang ng elementarya. Muli niyang ipinagpatuloy ang paglikha ng sining nang magsimula ang long-distance learning. Sa kasalukuyan, patuloy niyang hinahasa ang kaniyang kaalaman at kakayahan sa sining sa pamamagitan ng paggamit at paggawa ng iba't ibang uri nito.

 

Si Harlle ay kasalukuyang isang Grade 12 Arts & Design Student na nagpapakadalubhasa sa larangan ng sining biswal at nakatalaga bilang STAGE MANAGER sa darating na "DURUNGAWAN: Mga Sining sa Likod ng Pangarap 2025🌟🌙" , ang pangwakas na gawain at pagtatangal ng Grade 12 Arts & Design.

 

Marami at ibat-ibang uri ng sining ang nais niya na makita at magawa, kaya magsusumikap siyang palaguin ang kaniyang kakayahan at palawakin ang kaalaman sa mundo ng sining.