Kilalanin si Reirei!📷🎨

 

Si Reirei ay labinsiyam na taong gulang na nagmula sa Malanday, Marikina City. Siya ay isang estudyante ng Sining at Disenyo na dalubhasa sa sining biswal. Nagsimulang magpinta si Reirei noong siya ay nasa baitang kinder pa lamang. Bagaman hindi pa bihasa sa pagguhit, ipinagpatuloy pa rin niya ang pag-a-aral nito upang lalo itong mapabuti. Sa pamamagitan ng panonood ng mga bidyo mula sa internet at kumukuha ng inspirasyon sa kanyang kuya na tulad niya ay isang artist din.

 

Kasama rin siya sa media team at nakatalaga bilang PROPERTIES MANAGER sa darating na "DURUNGAWAN: Mga Sining sa Likod ng Pangarap 2025🌟🌙” , ang pang-wakas na gawain at pagtatanghal ng Grade 12 Arts & Design Track. Siya ay may hilig sa pagkuha ng larawan ng mga bagay-bagay at magagandang lugar sa Marikina, at bilang isang artist sa larangan ng Sining at Disenyo, patuloy niyang pinapalawak ang kaniyang kaalaman sa sining.