Kilalanin si Jai! ✏️

​

Si Jai, labimpitong taong gulang mula sa Sta. Elena, Marikina. Siya ay isang mag-aaral ng Sining at Disenyo na may kahusayan sa media arts. Siya ay dalubhasa sa pag-eedit ng mga ritrato at paggawa ng mga presentasyon. Noon pa lamang ay nagsimula na siyang lumikha ng mga simple, ngunit malikhaing disenyo gamit ang mga editing tools. Bukod dito, madalas din siyang sumusubok sa paggawa ng mga disenyo na may iba’t ibang estilo at teknik upang mapaunlad at patalasin ang kaniyang kasanayan sa larangan ng pagdidisenyo at media arts.

​

Ngayon, si Jai ay bahagi ng PROPS TEAM para sa darating na “DURUNGAWAN: Mga Sining sa Likod ng Pangarap 2025🌟🌙,” ang pangwakas na pagtatanghal ng kanilang Arts & Design Track. Bilang isang mahuhusay na designer, hindi lamang siya nakatutok sa mga visual arts kundi pati na rin sa mga teknikal na aspeto ng pagbuo ng props. Pinapanday niya ang kanyang mga kakayahan upang makapagbigay ng mas mataas na kalidad na disenyo para sa mga eksena at props na magsisilbing buhay na representasyon ng mga pangarap sa kanilang pagtatanghal. Sa patuloy niyang pagsusumikap, layunin ni Jai na magtagumpay hindi lamang sa kanyang mga proyekto kundi pati na rin sa pagpapalago ng kanyang karera sa mundo ng media arts.